ໃນຕອນບ່າຍຂອງ ວັນທີ 14 ທັນວາ 2022 ວິທະຍາໄລເຕັກນິກ ແຂວງວຽງຈັນ ໄດ້ຈັດພິທີປາຖະກະຖາວັນຊາດ ສປປ ລາວ ຄົບຮອບ 47 ປີ (02 ທັນວາ 1975 – 02 ທັນວາ 2022) ແລະ ວັນຄ້າຍວັນເກີດ ປະທານ ໄກສອນ ພົມວິຫານ ຄົບຮອບ 102 ປີ (13 ທັນວາ 1920 – 13 ທັນວາ 2022) ຂຶ້ນ ເພື່ອເປັນການເຜີ່ຍແຜ່ເອກະສານ ໃຫ້ແກ່ພະນັກງານ ຄູ-ອາຈານ ແລະ ນັກຮຽນ-ນັກສຶກສາຂອງວິທະຍາໄລເຕັກນິກ ແຂວງວຽງຈັນ ໄດ້ເຊື່ອມຊຶ່ມມູນເຊື່ອ, ຄວາມໝາຍຄວາມສຳຄັນຂອງວັນຊາດ 2 ທັນວາ ແລະ ຊີວິດ ການເຄື່ອນໄຫວປະຕິວັດຂອງປະທານ ໄກສອນ ພົມວິຫານ.
ໃຫ້ກຽດເປັນປະທານ ແລະ ປາຖະກະຖາໂດຍ ທ່ານ ທອງຫຼໍ່ ວິໄລທອງ ຜູ້ອຳນວຍການ ວິທະຍາໄລເຕັກນິກ ແຂວງວຽງຈັນ, ເຊິ່ງພິທີໃນຄັ້ງນີ້ໄດ້ມີຜູ້ເຂົ້າຮ່ວມທັງໝົດ 638 ຄົນ, ຍິງ 226 ຄົນ ໃນນັ້ນເປັນພະນັກງານ ຄູ-ອາຈານ 70 ຄົນ, ຍິງ 47 ຄົນ ນອກນັ້ນເປັນນັກຮຽນ-ນັກສຶກສາ.
