ໃນຕອນບ່າຍຂອງວັນທີ 3 ກຸມພາ 2021 ສະຫະພັນກຳມະບານວິທະຍາໄລເຕັກນິກ ແຂວງວຽງຈັນ ໄດ້ຈັດພິທີຮັບສະມາຊິກກຳມະບານໃໝ່ຂຶ້ນ ໂດຍການເປັນປະທານຂອງ ທ່ານ ທອງຫຼໍ ວິໄລທອງ ເລຂາຄະນະພັກຮາກຖານວິທະຍາໄລເຕັກນິກແຂວງວຽງຈັນ, ທ່ານ ບຸນຕາ ອຸທອນຮັກ ປະທານສະຫະພັນກຳມະບານວິທະຍາໄລ, ທ່ານ ທອງສາ ອິນທະວົງ ເລຂາຄະນະບໍລິຫານງານຊາວໜຸ່ມປະຊາຊົນປະຕິວັດລາວຮາກຖານວິທະຍາໄລ ແລະ ທ່ານ ນາງ ອຳພອນ ວິໄລຫອມ ວ່າການປະທານສະຫະພັນແມ່ຍິງວິທະຍາໄລ. ເຊິ່ງພິທີຄັ້ງນີ້ໄດ້ຮັບສະມາຊິກໃໝ່ຈຳນວນ261ສະຫາຍ, ຍິງ 156 ສະຫາຍ ຈາກນັກຮຽນ-ນັກສຶກສາແຕ່ລະພາກວິຊາຂອງວິທະຍາໄລເຕັກນິກ ແຂວງວຽງຈັນ.
