ໃນຕອນບາຍຂອງວັນທີ 09 ກຸມພາ 2021 ສະມາຄົມເຄືອຂ່າຍຜູ້ຕິດເຊື້ອເຮສໄອວີ/ເອດ (APL+) ໄດ້ມາຈັດຕັ້ງປະຕິບັດກິດຈະກຳທີ່ວິທະຍາໄລເຕັກນິກ ແຂວງວຽງຈັນ ເຊິ່ງໄດ້ມີຄູ-ອາຈານ ແລະ ນັກຮຽນ-ນັກສຶກສາເຂົ້າຮ່ວມຢ່າງພ້ອມພຽງ ເນື້ອໃນຂອງກິດຈະກຳໃນຄັ້ງນີ້ແມ່ນໄດ້ເຜີ່ຍແຜ່ຄວາມຮູ້ຕ່າງໆດັ່ງນີ້: 1) ຄວາມຮູ້ພື້ນຖານກ່ຽວກັບໂຄວິດ-19; 2) ຄວາມຮູ້ພື້ນຖານກ່ຽວກັບເຊື້ອເຮສໄອວີ/ພະຍາດເອດ; 3) ສາທິດການໃຊ້ຖົງຢາງອານາໄມທີ່ຖືກວິທີ; 4) ສົນທະນາຖາມ-ຕອບໃນຫົວຂໍ້”ເພດສຶກສາ”.ເຊິ່ງລ້ວນແລ້ວແຕ່ເປັນຫົວຂໍ້ທີ່ນັກຮຽນ-ນັກສຶກສາໃຫ້ຄວາມສົນໃຈຫຼາຍ.
